Tug‘ma yurak nuqsonlari embrional davrdagi rivojlanishdagi buzilishlar tufayli yurak va qon tomir sistemasida yuzaga keladigan anomaliyalarni ifodalaydi. Yangi tug‘ilgan chaqaloqlarda uchrashi 0,5% ni, 2 yoshdan oshgan bolalarda esa 0,2% ni tashkil etadi. Agar muolaja o‘z vaqtida boshlanmasa, bir oy ichida 50% chaqaloqlar, bir yil ichida esa 25% nobud bo‘lish xavfi mavjud. Taxminan 20–35% nuqsonlar simptomlarsiz kechadi. Hozirda 100 dan ortiq tug‘ma yurak nuqsonlari turlari aniqlangan. Bulmachalararo defektlar barcha holatlarning 6–10% ini tashkil qiladi va ularni davolashga kardioxirurgik amaliyotlar 1952-yildan boshlangan.