Yevropa tarixida Fransiya va Germaniya ikki asosiy siyosiy, iqtisodiy va madaniy kuch sifatida shakllanib kelgan. Har ikki davlat uzoq yillar davomida nafaqat o‘z hududiy manfaatlari, balki Yevropa qit’asidagi umumiy tartib va kuchlar muvozanati uchun kurash olib borgan. Bu raqobat asrlar davomida turli shakllarda — harbiy, diplomatik, iqtisodiy va mafkuraviy zaminlarda ifodalangan. Aynan shu kurash Yevropaning siyosiy xaritasini belgilovchi asosiy omillardan biri bo‘lib xizmat qilgan. Fransiya va Germaniya o‘rtasidagi ziddiyatlar qadimiy Franklar davriga borib taqaladi. Keyinchalik, Germaniya muqaddas Rim imperiyasi davrida siyosiy parokandalikni boshdan kechirgan bo‘lsa, Fransiya markazlashgan monarxiya asosida qudratli davlat sifatida shakllangan. Bu ikki turli yo‘nalishdagi taraqqiyot uslublari ularni tabiiy rafoqatga o‘tqazadi.