Golosen davri insoniyat tarixida hal qiluvchi ahamiyatga ega bo‘lgan davr hisoblanadi. Ushbu davrda iqlim va tabiiy sharoitlarning barqarorlashuvi inson faoliyatining yangi shakllarini yuzaga keltirdi. Muzlik davrining tugashi, global isish va tabiiy resurslarning ko‘payishi insonning tabiat bilan munosabatini tubdan o‘zgartirdi.Ishlab chiqarish xo‘jaliklarining vujudga kelishi jamiyatning iqtisodiy asoslarini mustahkamladi. Dehqonchilik va chorvachilik insonni o‘troq hayotga olib keldi, mehnat unumdorligini oshirdi va ortiqcha mahsulot ishlab chiqarishga imkon yaratdi. Bu jarayonlar jamiyat ichidagi ijtimoiy munosabatlarni murakkablashtirdi.