Qoraqalpog‘iston Respublikasi O‘zbekiston Respublikasi tarkibidagi suveren respublika bo‘lib, tarixan olib qaraganda, o‘zbek va qoraqalpoq xalqlarining azaliy do‘stlik aloqalari uzoq o‘tmishga borib taqaladi. XVI asrlarda qoraqalpoqlarning xalq bo‘lib shakllanishi, XIX asrning 70-yillarida Xiva xonligi tasarrufida bo‘lishi, 1873-yilda imperiyaning Amudaryo bo‘limiga qaram bo‘lishi bilan ajralib turadi. Qoraqalpog‘iston 1932-yilda avtonom viloyat sifatida tashkil etilgan.