1991-yil 31-avgustda O’zbekiston Respublikasi mustaqilligi e’lon qilingan. Toshkent shahrida bo’lib o’tgan O’zbekiston SSR Oliy Kengashining navbatdan tashqari sessiyasida „O’zbekiston Respublikasining davlat mustaqilligini e’lon qilish to’g’risida“gi qaror va „O’zbekiston Respublikasi davlat mustaqilligining asoslari“ to’g’risida qonun qabul qilindi. Qaror bilan O’zbekiston SSR nomi ham O’zbekiston Respublikasi deb o’zgartirildi. 1-sentyabr O’zbekistonning mustaqillik kuni deb belgilab qo’yildi. Bundan tashqari, 5-sentyabrda O’zbekistonning birinchi prezidenti Islom Karimovning farmoni bilan O’zbekiston poytaxtining avvallari Vladimir Lenin nomi bilan atalgan markaziy maydoni Mustaqillik maydoniga o’zgartirildi.