Ushbu kitob o‘quvchiga sog‘lom turmush tarzini shakllantirish hamda tabiiy yo‘l bilan davolanish sirlarini o‘rgatishga qaratilgan. Unda keltirilgan o‘simliklar va davolash usullari Turkiya geografiyasi, tabiati hamda o‘simlik dunyosi hisobga olingan holda tanlab tavsiya qilingan. Shu bilan birga, ayrim o‘simliklar O‘zbekiston hududida uchramasligi mumkinligi e’tiborga olinib, ularning o‘rnini bosuvchi muqobil dorivor o‘simliklar haqida ham ma’lumot berilgan. Ammo keltirilgan o‘simliklarning aksariyati mamlakatimizda ham mavjud bo‘lib, ularning tavsiflari va mahalliy nomlarini kitob oxiridagi “Lug‘at” bo‘limidan topishingiz mumkin. Kitobning ikkinchi nashri avvalgisiga nisbatan to‘liq tahrir qilindi, ilmiy-uslubiy jihatdan boyitildi va bir nechta muhim boblar — “Kibernetik tibbiyot”, “Binaural faollashuv”, hamda “Psixotrop moddalarning ta’siri” kabi mavzular bilan to‘ldirildi. Muallif ushbu asar orqali tibbiyotdagi murakkab muammolarning yechimi inson va tabiat o‘rtasidagi uyg‘unlikda, ya’ni Yaratganning qonunlarida mujassam ekanini o‘quvchiga yetkazishga intilgan. Tavsiya etilgan davolash usullari esa ajdodlarimiz asrlar davomida qo‘llab kelgan qadimiy tabobat tajribalariga tayanadi.