Mediatorlar (lotincha: mediator — vositachi) yoki neyrotransmitterlar — fiziologik faol moddalar, nerv qoʻzgʻalishining kimyoviy vositachi lari. Mediatorlar nerv impulslari taʼsirida ajralib chiqib, ularning nerv uchi dan ishchi aʼzoga va bir nerv hujayrasidan boshqasiga oʻtishida ishtirok etadi. Impulsning miya hujayralarini qoʻzgʻatishi va soʻng harakatlantiruvchi nerv oxiridan muskullarga oʻtishi uchun kimyoviy vosita - mediator zarur .Avstriya fiziologi va farmakologi O.Levining 1921-yilda nervlar qoʻz gʻalganda biologik faol moddalar ajralib chiqib tegishli aʼzoni faol holga keltirishini tajriba yoʻli bilan aniqladi . Faqat qoʻzgʻalishda emas, balki markaziy va periferik nerv sistemasining barcha boʻlimlari tormozlashganda ham Mediatorlar ajralishi aniqlangan.