Нур ташхиси усуллари — инсон организмидаги морфологик ва функционал ўзгаришларни аниқлашга қаратилган замонавий диагностик методлар мажмуасидир. Ушбу усуллар касалликларни эрта босқичда аниқлаш, аниқ ташхис қўйиш ва даволаш тактикасини белгилашда муҳим аҳамиятга эга. Асосий нур ташхиси усулларига рентгенография (суюк ва ўпка тузилмалари), флюороскопия (динамик жараёнларни кузатиш), компьютер томография (КТ) (қатламли юқори аниқликдаги тасвирлар), магнит-резонанс томография (МРТ) (юмшоқ тўқималар ва нерв тизими), ультратовуш текшируви (УЗИ) ҳамда радионуклид (сцинтиграфия, ПЭТ) тадқиқотлари киради. Ушбу усуллар клиник амалиётда комплекс қўлланилиб, ташхиснинг ишончлилигини оширади.