O'tkir bronxit bronxlar shilliq qavatining oʻtkir diffuz yalligʻlanishi boʻlib, aksariyat hollarda, infeksiya taʼsirida rivojlanadi va yoʻtal (uch haftagacha davom etuvchi quruq yoki balgʻamli) hamda nafas siqishi (kichik bronxlar zararlanganda) bilan kechadi.​Nafas aʼzolari kasalliklari ichida oʻtkir bronxit 30-40% ni tashkil etib, aholi orasida eng koʻp uchraydigan xastaliklardan biri hisoblanadi. U, aksariyat hollarda, faslning sovuq kunlarida, bahor va kuzda, gripp epidemiyasi va boshqa virusli respirator kasalliklar vaqtida aniqlanadi.