Til kishilar o`rtasidagi eng muhim aloqa vositasidir. U obyektiv borliqdagi ma`lum voqea-hodisa haqida axborot beruvchi asosiy vositadir. Tuzilishi, tashkil topishi nuqtai nazaridan til muayyan birliklar, ularning jami, ularni mantiqiy jihatdan bir-biri bilan bog'lash qoidalaridir. Vazifasi nuqtai nazaridan til insonlarning o'zaro fikr almashish, fikrni shakllantirish, ifodalash vositasidir. Mavjudligi nuqtai nazaridan til ijtimoiy hodisa, ijtimoiy mahsulotdir. Informatsiya nazariyasi nuqtai nazaridan tilni kod bilan tenglashtirish mumkin. Semiotika nuqtai nazaridan til belgilar sistemasi, u moddiy boyliklar – tovushlardan tashkil topadi