Har bir mashina va agregatlarda aylanma harakatni uzatadigan oʻzgarmas uzatish sonli oʻqlari fazoda har xil joylashgan mexanizmlar qoʻllaniladi. Bunday mexanizmlarni uzatish mexanizmlari deyiladi. Hozirgi zamon mashinalarida talab etilgan harakatni uzatishda murakkab uzatish mexanizmlari qoʻllaniladi, ya’ni yetakchi va yetaklanuvchi boʻgʻinlardan tashqari oʻz oʻqi atrofida harakat qilayotgan bir qancha oraliq boʻgʻinlardan tashkil topgan. Bunday mexanizmlar qoʻllaniladi, qachonki, oʻqlar orasidagi masofa katta boʻlsa, yoki mexanizm boʻgʻinlarini gabarit oʻlchamlari katta boʻlsa. Agarda uzatish soni katta yoki kichik boʻlgan hollarda yetakchi va yetaklovchi oʻqlar oraligʻida qoʻshimcha boʻgʻinli oʻqlardan foydalanish konstruktiv tomonidan qulay boʻladi. Bunday mexanizmlar bir va koʻp bosqichli uzatmalar deyiladi. Koʻp hollarda oʻqlarni orasidagi masofa katta boʻlsa, egiluvchan boʻgʻinli mexanizmlar qoʻllaniladi. Ularni turlari tasmali, tishli tasmali, trosli, zanjirli boʻlishi mumkin.