O‘zbekistonning yengil sanoat sohasi mamlakatimiz iqtisodiyotidagi muhim tarmoqlardan biri hisoblana boshlandi. Yangi sanoat mahsulotlarini ishlab chiqarishda energiya sarfini kamaytirish, resurslarni tejash, materiallar to‘plamini shakllantirish imkonini beradigan resurs tejamkor texnika va texnologiyalarni ishlab chiqish yuzasidan keng qamrovli chora-tadbirlar amalga oshirilib, muayyan natijalarga erishilmoqda. O‘zbekistonning taraqqiyot strategiyasida, jumladan «Xududlarda charm mahsulotidan poyabzal va charm-attorlik tayyor mahsulotlari, shuningdek, import o‘rnini bosuvchi mahsulotlar ishlab chiqarishdagi mavjud bo‘shliqlarni to‘ldirish orqali 2026-yilga borib sanoat mahsulotlari ishlab chiqarish hajmlarini oshirish bunda, tayyor charm mahsulotlarini 2,3 barobarga, poyabzal mahsulotlarini 2,8 barobarga oshirish...» [2] kabi muhim vazifalar belgilangan.