Bizga ma’lumki, eramizdan avvalgi davrlardan insonlar yangi o‘lkalarni kashf etish, sayyohat qilish, savdo aloqalarini rivojlantirish o‘z davlatlari hududlarini kengaytirish maqsadida dunyoni o‘rganganlar. Natijada, geografiya fanlari tizimida “rekreatsiya va turizm” kabi bir-biri bilan o‘zaro bog‘liq tushunchalar vujudga kelib, zamonaviy ijtimoiy hayotning ajralmas qismiga aylandi. Buning natijasida jahon iqtisodiyotida o‘ziga xos serdaromad yo‘nalishlar vujudga keldi. Turizm inson hayotining ma’lum bir tarzini ifodalaydi. Bu - dunyo kezish, sayohat qilish, yangi o‘lkalar bilan tanishish, sog‘liqni tiklash, dam olish, atrof-muhitni anglash, fan, sport, davolanish, savdo va boshqa ko‘plab faoliyat turlarini qamrab oladi.