Индукцион қиздириш, электр энергия қиздирилаётган жисмга бевосита узатилиб, электр ўтказувчи материални жуда оз вақт ичида, хеч қандай контакт қурилмаларсиз тўғридан – тўғри қиздириш имконини беради. Индукцион қиздиришнинг асосий афзаликларидан бири жисмнинг қиздирилиши зарур бўлган қисминигина қиздириш имкони борлиги ва бу эса ўз навбатида электр энергиядан тежамкорлик билан фойдаланишга олиб келади. Индукцион қурилмаларда қўлланиладиган кучланишнинг частотаси кенг оралиқда ўзгариши (50 Гц дан юзлаб МГц гача) ва қурилмаларнинг қуввати 16 – 20 МВт гача бўлиши билан характерлидир. Индукцион печларнинг сиғими 100 тоннагача бўлиши мумкин.