Bronxial astma nafas yo‘llarining surunkali kasalligi bo‘lib, bronxlarning doimiy yallig‘lanishi natijasida yuzaga keladi. Kasallik nafas qisishi, hansirash, ko‘krak qafasida xirillash va kechalari yo‘tal xuruji bilan namoyon bo‘ladi. Bronxial astma allergenlar ta'sirida rivojlanadi va turli biologik, iqlimiy va ruhiy omillar kasallik xurujlarini kuchaytiradi. Tarixan bu kasallikning alomatlari qadim zamonlardan beri ma’lum bo‘lib, ko‘plab olimlar tomonidan o‘rganilgan.