Bronxial astma nafas yo‘llarining surunkali kasalligi bo‘lib, doimiy yallig‘lanish natijasida bronxlar sezuvchanligi ortadi. Bu kasallik nafas qisishi, hansirash, ko‘krak qafasida xirillash, kechasi yo‘tal xuruji bilan namoyon bo‘ladi. Bronxial astma allergenlarga organizm sezgirligining oshishi bilan yuzaga keladi. Kasallik turli yoshda boshlanishi mumkin va ko‘plab tashqi omillar hamda kasalliklar tufayli paydo bo‘ladi. Tarixan Gippokrat va ibn Sino kabi olimlar bronxial astma haqida ma’lumotlar bergan.