Har bir inson keksayib qolganida ham uzoq yashash, sogʻlom va bardam boʻlish haqida oʻylaydi. Bolalar va oʻsmirlar sogʻliqni yoshlikdan asrash naqadar muhim ekanini doim ham bilmasligi mumkin, ammo yoshi ulugʻ odamlarning ham oʻz salomatligiga bepisand munosabatini tushunish qiyin. Koʻp ovqatlanish, chekish, spirtli ichimliklarga berilish, kamharakat hayot tarzi, asabbuzarlik holatlari — mana shular insult hamda infarkt, qandli diabet, onkologik va boshqa yomon xastaliklar sababchisi. Bunday holatda hatto eng zamonaviy tibbiy sharoitlar yaratib berilsa-da, uzoq yashash va sogʻliq haqida orzu qilish ham befoyda. Aholining uzoq umr ko’rish davomiyligini ta’minlash dolzarb masalalardan biridir. Zero, ushbu ko’rsatkich insonlarning sog’lom turmush tarzi va farovon hayoti ifodasidir.