1)Mikrogeterogen dispers sistemalar va ularning umumiy tavsifi. 2)Emulsiya hosil qilishning umumiy tasnifi va barqarorligi. 3) Emulgatorlar va ularning sinflanishi. 4)Koalessensiya; 5)Koʻpiklar 6)AEROZOLLAR 7)KUKUNLAR Mikrogeterogen sistemalar umumiy xossalari; Dispersion muhiti suyuq, dispersion fazasi qattiq bo‘lib, dispers faza zarrachalarining o‘lchami 10-5 sm (100 nm) dan katta bo‘lgan dispers sistemalar– suspenziyalar deyiladi. Liozollar (kolloid eritma) dan suspenziyalar rasman dispers faza zarrachalarining o‘lchami bilan farq qiladi. Bundan tashqari suspenziyalarda qattiq faza zarrachalari Broun harakatida ishtirok etmaydi. Bir–birida erimaydigan, bir suyuqlikning ikkinchi suyuqlikda tomchilar ko‘rinishida tarqalishidan hosil bo‘lgan mikrogeterogen sistemalarga–emulsiya deyiladi. Muallaq holidagi suyuq tomchilar dispers faza deyiladi. Dispers faza tarqalgan suyuqlik dispersion muhit deyiladi. Emulsiyalar C1/C2 tipidagi mikrogeterogen sistemalardir. Emulsiyalarda fazalarning hammasi ham harakatchan bo‘ladi. Dispers faza va dispersion muhitlar bir-biridan qutbliligi bilan keskin farq qilgan hollarda ular o‘zaro aralashmaydi. Emulsiyalarga sut, limfa, bo‘yoqlar misol bo‘la oladi.